A Garda Civil organizou este mércores un sinxelo acto nas súas dependencias da comandancia de Pontevedra para conmemorar o 176 aniversario da súa fundación. 

A crise sanitaria obrigou a limitar a celebración da efeméride de anos anteriores a un sobrio acto que tivo lugar na chaira da comandancia coa lectura do decreto fundacional acompañado dunha reducida representación do persoal que traballa no acuartelamento.

Concluíu o acto coa homenaxe aos gardas civís falecidos en acto de servizo e co recordo posto nos compañeiros que perderon a vida como consecuencia do coronavirus, así como de todas as vítimas da COVID-19.