Haberá acomodadores para controlar o aforo de Silgar
Por Oskar Viéitez
O xefe provincial de Costas, Enrique Fernández Meléndez, visitou este venres Sanxenxo para coñecer "in situ" o plan de seguridade e control de aforo da praia de Silgar. O alcalde, Telmo Martín, e a concelleira de Planificación Territorial, María Deza, acompañaron ao responsable territorial ata a recreación do areal.
O rexedor explicoulle detalladamente a medida para garantir o distanciamento social nunha praia especialmente concorrida durante este verán con corredores de tránsito de seis, tres e ata oito metros.
"A medida non pode ser máis natural porque son estacas de madeira e corda. É un sistema moi respetuoso co medio ambiente", destacou o alcalde. A maiores da visita, o goberno remitirá o plano do proxecto cunha recreación en papel das 780 cuadrículas desenvolvidas ao longo de todo o litoral.
En todo caso, os concellos seguen pendentes do protocolo que se aplicará ás praias este verán Martín detallou ao xefe territorial que o plan contempla a figura de controladores ou acomodadores que facilitarán ás persoas que acudan ao areal a localización nas cuadrículas que estarán numeradas e diferenciadas por cores (vermello, azul, verde, laranxa e violeta).
"Temos previsto que haxa dúas persoas por entrada, unha arriba no paseo e outra na praia sobre todo ao principio mentras as persoas que acudan ao areal non coñezan o sistema", explica Martín.
O goberno local que prevé aplicar este modelo a outras praias urbanas como Panadeira ou Caneliñas, urbanas e moi concorridas durante o verán.
Relacionadas:
-
A praia de Silgar deixa de estar cuadriculada
Por Redacción |
-
O PSOE de Sanxenxo considera "agravio comparativo" destinar 60.000 euros á parcelación da praia de Silgar
Por Redacción |
-
Silgar quedará sen kiosco este verán para deixar o espazo libre para bañistas
Por Redacción |
-
Os concellos da ría esperan a axuda da Xunta e a evolución do estado de alarma para preparar a tempada de praias
Por Manu Otero |
-
Sanxenxo contratará vixiantes de apoio para controlar o aforo e distanciamento nas súas praias
Por Redacción |
-
Temen unha "mercantilización" das praias coas medidas de Telmo Martín para Silgar
Por Redacción |
-
Sanxenxo reactívase coa chegada da fase 1 da desescalada
Por Redacción |
-
Sanxenxo prevé reabrir o mercado ambulante e os camposantos
Por Redacción |
-
VÍDEO.- Sanxenxo ordenará a praia de Silgar en 780 cuadrículas
Por Oskar Viéitez |