A Subdelegación e a Deputación distribúen máis de 140.000 máscaras na provincia
Por Redacción
O parque móbil do Estado en Pontevedra é o punto desde o que a Subdelegación do Goberno e a Deputación de Pontevedra están a coordinar a distribución do material sanitario que o executivo central está a remitir a todas as provincias.
No caso de Pontevedra, máis de 140.000 máscaras de protección, segundo avanzou a subdelegada, Maica Larriba, que visitou este mércores estas instalacións xunto ao presidente da FEGAMP e alcalde de Vilagarcía, Alberto Varela.
En concreto, 83.000 unidades serán repartidas directamente pola Subdelegación de Goberno aos nove concellos con máis de 20.000 habitantes e outras 57.000 unidades ao resto dos municipios que conforman a provincia.
Nestes últimos, o reparto está a facelo a Deputación de Pontevedra e as máscaras están destinadas aos colectivos máis vulnerables.
Así, este material chegará ás persoas máis maiores ou atendidas por teleasistencia e ao persoal municipal máis exposto ao virus como o dos servizos de limpeza e recollida de residuos sólidos, empregados do transporte público, traballadores sociais e do SAF ou persoal de protección civil e emerxencias como policía local ou anti incendios.
O reparto deste material de protección entre os concellos faise en función de dous criterios obxectivos, unha cantidade lineal por tramos de poboación e unha segunda partida variable destinada a aqueles concellos que teñen un maior factor de sobre envellecemento.
Relacionadas:
-
A Subdelegación do Goberno reparte neste mes outras 180.000 máscaras na provincia
Por Redacción |
-
A Subdelegación do Goberno repartirá 192.000 máscaras na provincia, case un millón desde abril
Por Redacción |
-
Os concellos e ONGD de Pontevedra recibirán 300.000 máscaras do Goberno como apoio ao inicio do curso escolar
Por Redacción |
-
57.000 máscaras protectoras, repartidas en menos de 6 horas en municipios de menos de 20.000 habitantes
Por Redacción |
-
As farmacias de Pontevedra reparten máscaras de protección gratuítas para persoas sen recursos e pensionistas
Por Mónica Patxot & Redacción |
-
Os concellos e a Deputación queren ter poder de decisión nas fases da desescalada
Por Redacción |
-
Máis de 120.000 máscaras repartidas na provincia para o seu uso no transporte
Por Redacción |
-
Así foi o reparto de máscaras entre os usuarios de autobuses, trens e taxis
Por Oskar Viéitez & Diego Torrado |
-
As máscaras serán obrigatorias no transporte público a partir do luns
Por Alejandro Espiño |