O BNG de Cerdedo-Cotobade presenta un plan de reactivación económica
Por Oskar Viéitez
O BNG de Cerdedo-Cotobade vén de presentar un plan de reactivación económica de emerxencia e insta á modificación dos orzamentos municipais.
O voceiro do grupo municipal do BNG, Ernesto Filgueira anunciou que na vindeira Xunta de Portavoces "presentareille ao alcalde unha proposta con medidas precisas que eviten o cese de actividade de moitos autónomos de Cerdedo-Cotobade".
Ernesto Filgueira ten como obxectivo consensuar medidas de reactivación económica con "partidas concretas e ben definidas" que permitan darlle osíxeno aos pequenos empresarios e autónomos do concello, priorizando medidas para minimizar o impacto da crise laboral que se achega e evitar unha brecha social.
Así pois, as principais medidas son axudas directas para autónomos e pequenas empresas, reforzo da partida dos servizos sociais, posta en marcha dunha campaña promocional a prol da actividade comercial local, presionar ás suministradoras a mellorar a liña de internet ou no seu caso a crear a estructura precisa para contarmos cunha capacidade de rede óptima que permita e incentive o traballo online.
Relacionadas:
-
O Concello de Moraña destina 100.000 euros de axudas a autónomos e pemes
Por Redacción |
-
O BNG de Cerdedo-Cotobade pide reforzar os servizos sociais e fomentar o comercio local
Por Redacción |
-
Reanudan as obras públicas en Cerdedo-Cotobade tras a suspensión polo estado de alarma
Por Redacción |
-
Cerdedo-Cotobade completa a repartición a domicilio de máscaras a todos os seus veciños
Por Redacción |
-
Cerdedo-Cotobade activa un protocolo de xestión sanitaria do lixo
Por Redacción |