As adegas queren vender albariño por internet e a domicilio
Por Oskar Viéitez
O peche de bares, restaurantes e hoteis afectou negativamente ás adegas da Denominación de Orixe Rías Baixas, onde só 62 das 184 adegas rexistradas venden os seus viños nos supermercados.
Para tratar de reactivar as vendas o Consello Regulador aposta por vender albariño por internet e a domicilio para o que pon en marcha o proxecto "Rías Baixas en casa", ao que xa se sumaron 80 empresas.
O proxecto dá a posibilidade aos consumidores de contactar directamente coa adega vía telefónica ou por correo electrónico para adquirir aquelas marcas de viño que desexen.
En Rías Baixas consideran que a idea pode funcionar porque, "diferentes estudos e informes mostran que o consumo de viño nos fogares incrementouse durante o estado de alarma".