Dous policías locais feridos a pedradas ao ser atacados no poboado do Vao
Por Oskar Viéitez
Dous axentes da Policía Local de Poio permanecen ingresados nun centro hospitalario, logo de ser vítimas do ataque realizado por un grupo dunhas 20 persoas no Vao de Arriba. Ambos presentan contusións, magulladuras e diversos cortes.
Segundo informaron fontes oficiais da Xefatura da Policía Local de Poio os feitos tiveron lugar este luns en torno ás 20.30 horas.
Unha patrulla da Garda Civil estaba a realizar un control de mobilidade con motivo do estado de alarma decretado pola pandemia da Covid19 cando lle deron o alto a un home xa coñecido polos axentes do instituto armado pola súa reincidencia en saltarse o confinamento.
Cando os axentes da Garda Civil procedían a súa detención un grupo de persoas reaccionou a pedradas contra o coche patrulla. Foi entón cando un coche do corpo de seguridade municipal chegou á zona, logo de ser avisado polo 112, recibindo o impacto de varias pedras.
Posteriormente, estes mesmos individuos atacaron os automóbiles con paus, provocando cuantiosos danos materiais.
Os dous axentes municipais lograron abandonar o vehículo e tiveron que agardar aos reforzos fóra do poboado. Enseguida acudiron máis efectivos da Garda Civil, e tamén axentes da Policía Nacional e a Policía Local de Pontevedra.
Ás 23.00 horas, está confirmada a detención dun dos presuntos responsables deste ataque contra as forzas da orde.
As dilixencias continúan abertas ata que se identifique ao resto de persoas implicadas nestes disturbios.
Relacionadas:
-
Un veciño de 46 anos, detido cando vendía papelinas de droga preto do Vao de Arriba
Por Redacción |
-
Poio pide a implicación de todas as institucións para resolver os problemas do Vao
Por Redacción |
-
O poboado de O Vao pide a liberdade dos detidos por agredir á Policía Local e a Garda Civil
Por Redacción |
-
Os policías atacados no Vao foron vítimas dunha emboscada intencionada
Por Oskar Viéitez |
-
Dez persoas detidas no Vao como sospeitosos da agresión aos policías
Por Oskar Viéitez |
-
A Garda Civil entra no Vao para deter aos implicados na agresión aos policías
Por Oskar Viéitez |
-
A Subdelegación do Goberno lembra a Poio que a súa colaboración coa seguridade do Vao é "constante"
Por Natalia Puga |
-
Amplo despregamento da Garda Civil e da Policía Local no Vao en resposta ao altercado do luns
Por Natalia Puga & Mónica Patxot |
-
Nito Sobral sobre os disturbios no Vao: "Son uns feitos graves que non poden quedar impunes"
Por Oskar Viéitez |
-
A Policía Local de Poio ten identificados 15 veciños reincidentes en incumprir o estado de alarma
Por Natalia Puga |
-
Deteñen en Bueu unha parella que roubara un coche no Vao
Por Redacción |
-
Catro dos 10 detidos na última redada no Vao ingresan en prisión tras declarar por videoconferencia
Por Natalia Puga |
-
Elevan a dez os detidos pola última redada no Vao, todos dun mesmo clan familiar
Por Natalia Puga |