A Xunta lamenta a "absoluta falta de colaboración do Concello de Poio" nas obras da estrada PO-308
Por Oskar Viéitez
A Consellería de Infraestruturas e Mobilidade lamenta a "absoluta falta de colaboración do Concello de Poio" en todo o proceso de mellora da estrada principal do municipio, a PO-308, que "está a supor un antes e un despois na súa seguridade viaria".
Nun comunicado de prensa a Xunta sinala que a mellora integral que a Consellería está a acometer na estrada PO-308 ao seu paso polo concello de Poio permitiu habilitar un novo acceso ao núcleo de Raxó para os vehículos, quedando reservada a antiga vía municipal para o uso exclusivo e seguro por parte dos peóns.
"Actualmente continúa pendente de execución por parte do Concello de Poio a nova vía municipal de acceso desde Raxó, que foi facilitada a través das obras da Xunta, que tamén realizou as expropiacións", sinalan dende a Consellería.
As obras que está a impulsar o Goberno galego na PO-308 en Poio, cun investimento de máis de 7 millóns de euros, supoñen tamén o acondicionamento das interseccións.
"O Goberno galego está a cumprir os seus compromisos cos veciños de Poio, acometendo o acondicionamento integral da estrada, o que contrasta coa falta de implicación do Concello na resolución dos problemas viarios do municipio, derivados, principalmente, da carencia dun instrumento urbanístico actualizado que permita ordear e planificar a súa estrutura territorial e mobilidade", conclúen dende o departamento da consellereira Ethel Vázquez.
Relacionadas:
-
Pasos de peóns e prazas de carga e descarga, principais reclamacións veciñais á Xunta para a reformada PO-308
Por Redacción |
-
Luciano Sobral quere falar coa conselleira das obras da PO-308 en Raxó
Por Oskar Viéitez |
-
O BNG de Poio pide limitar a velocidade a 30 km/ h na Avenida da Barca
Por Redacción |
-
O concelleiro de Urbanismo insiste nas numerosas anomalías da reforma viaria que a Xunta acomete en Raxó
Por Redacción |
-
Chancelas estrea o novo paso de peóns con semáforo de pulsador
Por Oskar Viéitez |
-
Poio solicitará espazos peonís no novo ramal da PO-308 en Raxó
Por Redacción |
-
O PP de Poio denuncia a instalación de contedores de lixo municipais que dificultan o paso de peóns na PO-308
Por Redacción |
-
Poio pide medidas á Xunta para evitar que a mobilidade peonil se vexa "comprometida" en Raxó e Covelo
Por Redacción |