Exención de impostos e aposta pola venda online, medidas do Concello de Marín para salvar a súa economía
Por Redacción
A Mesa de Traballo polo Comercio do Concello de Marín reuniuse este xoves para dar conta das principais medidas adoptadas polo goberno local no que respecta a este sector. Os edís de Facenda, Manuel Santos; e de Comercio, Cristina Acuña; explicaron aos representantes dos grupos de PSOE e BNG que os esforzos do Concello centráronse principalmente en dar facilidades aos empresarios á hora de abonar os impostos municipais.
Neste sentido, o executivo que dirixe María Ramallo ampliou os prazos de pago voluntario en diversos tributos e mesmo aprobou a exención total do pago da taxa por ocupación de vía pública de mesas e cadeiras durante o 2020 e 2021.
"É unha medida que pode axudar moito aos locais de hostalería”, recoñece Santos Costa, que sitúa á hostalería como un dos sectores que sairá máis castigado da crise.
Doutra banda, a titular de Comercio adiantou que esta fin de semana lanzarase a campaña de dinamización "que pretende ser un revulsivo para a nosa economía local, dotándoa dun espazo online que mellore a súa visibilidade no mundo virtual", explicou Acuña.
Relacionadas:
-
Marín renova a cobranza de impostos e restablece o calendario de pagos
Por Redacción |
-
Marín propón un pago de impostos e taxas municipais flexible e fraccionado
Por Redacción |
-
Marin en Rede pon cara ao comercio local para apoiar a economía do municipio
Por Redacción |
-
Marín reparte máscaras e pantallas entre os negocios que reinician a súa actividade
Por Redacción |
-
Nace 'Marín en Rede', un espazo para dixitalizar o comercio e a hostalería local
Por Redacción |
-
María Ramallo agarda retomar en maio a actividade política do Concello de Marín
Por Oskar Viéitez |
-
Forte subida do paro nos concellos pola crise do coronavirus
Por Oskar Viéitez |