Ence rexistrou perdas netas de 12 millóns de euros no primeiro trimestre do 2020 como consecuencia dos prezos da celulosa, os máis baixos rexistrados na última década, segundo a compañía. Con todo., informan nun comunicado que a produtividade e os custos da pasteira tiveron unha importante mellora tras os investimentos levados a cabo.

O primeiro trimestre do ano estivo condicionado pola crise do Covid-19 a nivel global, admiten desde a dirección da firma, que destaca que a aplicación temperá dos protocolos internos para previr e minimizar os riscos de contaxio permitiu á compañía manter operativas todas as súas plantas e manter íntegro o emprego.

Lembran desde a empresa que as biofábricas de Pontevedra e Navia xeran preto de 11.500 empregos de forma directa e que a compañía realizou en 2019 investimentos de máis de 160 millóns € nas súas plantas que redundaron en aumento do 9 % na produción de celulosa e un crecemento do 25 % nas vendas de celulosa.