Poio pide medidas á Xunta para evitar que a mobilidade peonil se vexa "comprometida" en Raxó e Covelo
Por Redacción
O Concello de Poio anunciou que se vai facer eco das queixas realizadas por numerosos veciños e colectivos de Raxó e de Samieira e vai remitir un escrito á Consellería de Infraestruturas da Xunta de Galicia para solicitar que poña en marcha medidas que faciliten a mobilidade de peóns no tramo da estrada PO-308 entre o lugar de Covelo, na parroquia de Samieira, e Raxó
As queixas veciñais das que se fai eco o Concello insisten en que a instalación dalgunhas marquesiñas e de sinalizacións verticais nesta zona da PO-308, en moitos casos, deixan a accesibilidade "comprometida" para peóns, xa que reduce o espazo para os viandantes, especialmente para aqueles que padecen problemas de mobilidade, pois dificultan o tránsito de cadeiras de rodas ou carros de bebés.
O Concello insta á Xunta a que atope unha solución para estes problemas, xa que, se ben non pon en dúbida a utilidade destas infraestruturas, entende que é preciso buscar outros emprazamentos que non xeren incomodidades ou poñan en perigo as viandantes.
Desde o Concello insisten na importancia destas medidas, máxime nestes momentos nos que se está empezando a proceder coa desescalada das medidas de confinamento, que xa permiten saír á rúa aos menores de 14 anos e que, proximamente, tamén servirá para que a veciñanza poida facer exercicio ao aire libre e dar paseos en familia.
Relacionadas:
-
Conclúen as obras na estrada PO-308, entre O Covelo e Raxó
Por Redacción |
-
O BNG de Poio pide limitar a velocidade a 30 km/ h na Avenida da Barca
Por Redacción |
-
O concelleiro de Urbanismo insiste nas numerosas anomalías da reforma viaria que a Xunta acomete en Raxó
Por Redacción |
-
A Xunta lamenta a "absoluta falta de colaboración do Concello de Poio" nas obras da estrada PO-308
Por Oskar Viéitez |
-
Poio solicitará espazos peonís no novo ramal da PO-308 en Raxó
Por Redacción |
-
O PP de Poio denuncia a instalación de contedores de lixo municipais que dificultan o paso de peóns na PO-308
Por Redacción |
-
A poboación infantil de Poio recibe estes días os seus diplomas de cidadáns exemplares
Por Redacción |
-
Marquesiñas de estrea entre Covelo e Raxó
Por Redacción |
-
A Xunta retoma tres actuacións de mellora da seguridade viaria en Poio
Por Redacción |
-
Comezan as obras para instalar un paso de peóns con semáforo en Chancelas
Por Boris Rodríguez Pintos |