Portonovo poderá dispoñer en xuño do novo skate park
Por Redacción
O próximo mes de xuño prevese que poida estar a disposición pública o novo espazo de skate park de Portonovo. Así o estima o alcalde de Sanxenxo, Telmo Martín, que este mércores visitou o lugar. Unhas obras que se viron atrasadas debido ás adversas condicións meteorolóxicas do inverno, así como a paralización da actividade consecuencia das medidas adoptadas co estado de alarma polo COVID19.
Os distintos espazos previstos no skate park están completamente definidos unha vez instaladas as plataformas e elementos necesarios. O parque dispoñerá de tres zonas: dúas para skate e outra para parkour e bowl. Tamén ofrecerá un rocódromo, onde xa está levantada a parede.
Na zona de confluencia destas disciplinas haberá un espazo de descanso, dotado con bancos que xa se instalaron, así como elementos de vexetación. O Concello sanxenxino plantexa grafitear as zonas de parkour e o rocódromo para achegar unha imaxe concordante coa iconografía destas prácticas urbanas.
O alcalde, Telmo Martín sinalou que este espazo "converterase nunha das zonas de esparexemento e goce dos mozos do municipio e responde á importante demanda que está a ter este tipo de prácticas deportivas urbanas". Engadía que "as obras avanzan a bo ritmo e esperamos que moi pronto xa se poida gozar delas".
Relacionadas:
-
Portonovo estrea a pista de skate
Por Redacción |
-
Eliminan un punto negro para a seguridade viaria en Portonovo
Por Redacción |
-
Sanxenxo comezará en breve a facer uso dun punto limpo móbil
Por Redacción |
-
A Festa da Raia reinvéntase nas súas vodas de prata a través das redes sociais
Por Redacción |
-
Sanxenxo lanza dous concursos para promocionar o turismo da vila
Por Redacción |
-
Sanxenxo amplía aos usuarios do centro de día o servizo de axuda no fogar
Por Redacción |
-
Cabreo do alcalde de Sanxenxo coa ministra de Traballo pola reapertura do sector turístico
Por Oskar Viéitez |