Caldas arromba as súas zonas verdes ante a autorización de posibles saídas
Por Redacción
Espazos como A Tafona, a Praza das Palmeiras, a Carballeira, o Xardín Botánico, os Choróns, os Pasionistas, o paseo ata Portas ou sendeiro fluvial do Umia están a ser acondicionados polo Concello de Caldas de Reis ante a previsión dun posible desconfinamento.
Estas actuacións forman parte dun programa especial de mantemento, conservación e limpeza de zonas verdes e paseos que vén de activar o goberno municipal.
O concelleiro de Obras, Manuel González, explicou que se trata dun proceso de actuación integral sobre todos os espazos comúns axardinados e paseos do casco urbano e do seu entorno, que se desenvolve de cara a primavera.
Nesta ocasión se coordinou para que estea rematado nesta semana de maneira previa á autorización de posibles saídas dentro da corentena pola COVID-19.
O obxectivo, sinalou o edil, é que as zonas verdes de Caldas estean nas mellores condicións, limpas e acondicionadas se se acorda suavizar as medidas de restrición.
Os parques infantís permanecerán, polo de agora, pechados ao uso e á espera de que as autoridades sanitarias autoricen a súa utilización.
As tarefas consisten na corta do céspede, no saneamento e aclareo de arbustos, roza de vexetación, coidado de plantas e árbores e na limpeza dos conxuntos. Tamén se procederá á desinfección de mobiliario.
O servizo de obras, ademais dos mencionados traballos de acondicionamento nos espazos verdes, vén desenvolvendo ao longo do estado de alarma un esforzo especial, sobre todo en materia de prevención.
Nesta liña, o persoal de obras actúa de maneira continuada nos plans de hixienización e limpeza de beirarrúas, mobiliario e espazos urbanos, así como na desinfección dos accesos aos establecementos comerciais.
Relacionadas:
-
Comezan os traballos do obradoiro de emprego nos espazos verdes de Caldas de Reis
Por Redacción |
-
Proxectan a renovación integral do parque infantil de Aguiúncho, en San Andrés de Cesar
Por Redacción |
-
Caldas retira as plantas exóticas invasoras na contorna do Umia
Por Redacción |
-
Caldas de Reis recibe unha axuda para a protección das súas árbores senlleiras
Por Redacción |
-
Plan de bacheo para rematar coas fochancas en todas as vías de Caldas
Por Redacción |
-
Caldas de Reis rozará ata xullo todas as estradas, pistas e camiños do municipio
Por Redacción |
-
O Centro Comarcal da Tafona de Caldas continúa coa repartición de máscaras infantís
Por Redacción |
-
Caldas suspende a taxa de terrazas e potenciará o turismo interior para reactivar a economía local
Por Redacción |
-
O Concello de Caldas comezou a repartición das pantallas doadas por Galicia-EscudoCovid2019
Por Redacción |
-
VÍDEO.- Escolares de Caldas adaptan o "All together now" de Los Beatles ao coronavirus
Por Redacción |
-
Caldas de Reis fai seguimento dos máis de 2.500 maiores de 65 anos do municipio
Por Redacción |
-
Máis do 90% da poboación de Caldas de Reis non abandonou o municipio durante a última semana de confinamento
Por Redacción |