Vinte e catro familias sen recursos do municipio de Poio están a recibir material escolar
Por Oskar Viéitez
A concellería de Educación do Concello de Poio continúa co reparto de máis material escolar para 24 familias do municipio que non dispoñen dos recursos necesarios para que os seus cativos poidan manter ao día a súa actividade lectiva mentres permanecen pechados os centros educativos.
Deste xeito, o departamento dirixido pola edil nacionalista Raquel Rodríguez continuará coa entrega, a través de persoal municipal, deste material, tal e como se viña facendo nas últimas semanas e que correspondían a tarefas da avaliación anterior.
"Seguimos a traballar para garantir que todos os alumnos e alumnas de Poio teñan un acceso igualitario á educación", dixo a concelleira Raquel Rodríguez.
A actuación continuará desenvolvéndose despois de que a Xunta de Galicia confirmase que o curso 2019-2020 segue adiante.
Deste xeito, a concellería de Educación continúa en contacto permanente tanto coas direccións dos colexios e do IES de Poio, así como co departamento de Servizos Sociais para facilitar o material necesario a estas 24 familias que carecen de recursos.
O Concello actúa en función das solicitudes realizadas polos centros educativos.
Relacionadas:
-
O Concello de Poio vixía que os maiores tamén traballen a memoria durante o confinamento
Por Redacción |
-
O Concello de Poio retomará as sesións do goberno local vía telemática
Por Redacción |
-
O 82% do alumnado ten limitacións para comunicarse cos seus profesores, cunha maior afectación no ámbito rural
Por Redacción |
-
O Concello de Poio vixía que ninguén se quede sen acceso á educación por falta de recursos
Por Oskar Viéitez |
-
O 30% dos estudantes galegos non ten acceso á educación de maneira non presencial
Por Redacción |