Cancelados polo coronavirus a Feira de Cuspedriños e o San Xoán de Cerdedo
Por Redacción
O Concello de Cerdedo-Cotobade vén de decretar, tras o correspondente acordo do goberno local nunha reunión telemática dos seus nove compoñentes, a cancelación de todos os eventos municipais dos próximos meses de maio e xuño.
Na práctica isto supón a suspensión de dous populares eventos, como son a Feira de Cuspedriños e o San Xoán de Cerdedo.
A primeira delas estaba fixada para o primeiro domingo do mes de xuño, na que debía ser a súa 14ª edición e na que se pretendía volver reunir preto de 3.000 persoas neste lugar de San Xurxo de Sacos.
Pola súa banda o San Xóan de Cerdedo adoita reunir durante a noite do 23 de xuño máis dun milleiro de persoas na contorna da praia fluvial.
"Pase o que pase co Estado de Alarma e coa evolución da crise, está claro que non se van a poder celebrar grandes reunións e eventos multitudinarios, así que, por responsabilidade e seguridade sanitaria, xa nos adiantamos e decidimos a súa suspensión, que é unha mágoa pero é o mellor para todos", sinalou respecto diso da decisión o alcalde, Jorge Cubela.
Ademais o goberno local convidou ás asociacións e entidades que teñen programados actos nos dous próximos meses a que sigan o exemplo e procedan á súa cancelación xa que "aínda que mellorase a situación non cremos que se poidan celebrar nin co Real Decreto actual nin coas restricións", explicou o rexedor municipal.
Relacionadas:
-
O Concello de Cerdedo-Cotobade entrega máscaras aos nenos para que poidan pasear con seguridade
Por Redacción |
-
Cerdedo-Cotobade celebra a primeira Xunta de Voceiros telemática co apoio da oposición ao labor municipal
Por Redacción |
-
VÍDEO.- A Banda de Música de Cerdedo insufla ánimo aos seus veciños coa súa música
Por Redacción |
-
Cerdedo-Cotobade impulsa unha Central de Compras para adquirir formigón e materiais de obra e eléctricos
Por Redacción |
-
Cerdedo-Cotobade completa a repartición a domicilio de máscaras a todos os seus veciños
Por Redacción |
-
Cerdedo-Cotobade activa un protocolo de xestión sanitaria do lixo
Por Redacción |