Moraña reforza o Servizo de Axuda no Fogar pola crise do coronavirus e suma sete novos usuarios
Por Redacción
O Concello de Moraña optou por reforzar a atención do Servizo de Axuda no Fogar (SAF) no marco da actual crise sanitaria do coronavirus en case un 20% e nas últimas semanas incorporou sete novos usuarios.
Na actualidade o servizo ten xa 46 beneficiarios no municipio e, ante a actual situación, que incrementa as necesidades de atención a maiores e dependentes, o Concello está avaliando novos expedientes para seguir estendendo este servizo.
Segundo informou o Concello a través dun comunicado, a Xunta de Galicia concedeu un incremento de horas de atención a dependentes que permitiu este aumento de usuarios e que aínda teñan obras libres para atender algún máis que xurda nestas semanas. Trátase de 1.227 horas extraordinarias de atención gratuíta con motivo da crise sanitaria do coronavirus.
Con este incremento, o Concello pode atender os usuarios de centros de día agora pechados, aos que se lles está rematando a avaliación dos seus expedientes por parte de Servizos Sociais.
A alcaldesa, Luisa Piñeiro, destaca que nunha grave crise sanitaria e social coma esta "a atención a maiores e dependentes é máis prioritaria ca nunca para que ninguén quede atrás".
Relacionadas:
-
Moraña programa tres talleres sobre saúde e igualdade
Por Redacción |
-
1.500 pantallas protectoras para repartir entre os comercios e veciños de Moraña
Por Redacción |
-
Préstamo a domicilio de libros no concello de Moraña
Por Redacción |
-
Os nenos de Moraña reciben o diploma da cuarentena
Por Redacción |
-
Reanúdase a rehabilitación do Centro Social de Alende en Moraña
Por Redacción |
-
Moraña merca máscaras reutilizables para a veciñanza
Por Oskar Viéitez |
-
Os servizos sociais de Moraña prestan atención a 160 familias durante a corentena
Por Redacción |