A Xunta retoma as obras da estación intermodal de trens e autobuses en Pontevedra
Por Redacción
A Consellería de Infraestruturas e Mobilidade da Xunta retomou as obras de execución da estación intermodal de trens e autobuses en Pontevedra. Un proxecto conveniado co Concello e que se mantivo paralizado nas dúas últimas semanas polas medidas de hibernación decretadas polo Goberno ante a crise pandémica. Contando con esa paréntese de actividade, o goberno galego contempla manter o prazo de conclusión para este ano 2020.
O proxecto arrincou en xaneiro co acondicionamento do edificio da estación de autobuses. Neste emprazamento realizarase unha reforma funcional, estética e de eficiencia enerxética coa renovación do interior, a cuberta e a fachada, así como a mellora das instalacións e os sistemas de información.
Habilitarase unha conexión física entre as estacións de autobús e tren cun itinerario peonil que conleva unha reordenación do espazo con maior seguridade viaria e máis espazo público. Desta forma eliminaranse os dous accesos actuais á estación de autobuses, construíndo unha ligazón directa desde a rúa Josefina Arruti, dotada de semáforos e carrís de espera.
De igual forma, o proxecto contempla a posta en valor da contorna do río Gafos, coa rexeneración da área anexa á estación de autobuses, destapando o leito do río e construíndo unha pasarela que facilite o tránsito das persoas. Esta actuación ten un investimento que supera os seis millóns de euros, dos que a Xunta achega o 75%.
Relacionadas:
-
Pingueiras e charcos desbordan a estación de autobuses: "aquí deberíamos entrar con casco"
Por Natalia Puga & Mónica Patxot |
-
A estación de tren de Pontevedra terá wifi para os usuarios
Por Redacción |
-
O Concello agarda reabrir a rúa Otero Pedrayo nun prazo de 15 días
Por |
-
Pechada a rúa Otero Pedrayo polo posible risco de derrube do noiro da rúa
Por Oskar Viéitez & Mónica Patxot |
-
As obras da intermodal van ao "ritmo necesario" para acabalas antes de final de ano
Por Alejandro Espiño |
-
A Xunta adxudica a obra para mellorar a iluminación da rotonda elevada de Mollavao
Por Redacción |
-
A CIG denuncia que se utilice ao persoal da construción como "ratas de laboratorio" ante a pandemia
Por Redacción |
-
Pontevedra paraliza polo coronavirus todas as obras públicas non urxentes
Por Oskar Viéitez |
-
A estación intermodal estará operativa para recibir a avalancha de pasaxeiros do Xacobeo 2021
Por Natalia Puga & Cristina Saiz |
-
Comezan na estación de autobuses as obras do complexo intermodal de Pontevedra
Por Redacción |