Dúas persoas de Marín, con xustificante de desprazamento, sofren improperios desde as casas e padecen unha crise de ansiedade
Por Redacción
A Policía Local de Marín móstrase preocupada pola vixilancia que algúns cidadáns realizan desde os balcóns e xanelas das súas vivendas e que, ao comprobar algunha irregularidade entre peóns que non atenden aos límites de mobilidade, dedícanse a increpar ao presunto infractor.
Ante esta situación, os axentes agradecen a implicación cidadá durante este estado de alarma e entenden a indignación que se produce cando as persoas que se atopan nas súas casas ven a outros na vía pública, pero piden á cidadanía que acuda ás vías establecidas para denunciar os casos irregulares.
Neste sentido, aconsellan que se chame ás forzas da orde (Policía Local, Policía Nacional ou Garda Civil) para alertar sobre a situación pero piden que non "se tome a xustiza pola súa man". Lembran que as forzas policiais pedirán os xustificantes necesarios e realizarán as comprobacións que se precisen para actuar atendendo ao establecido polo Goberno.
Sinalan que dúas persoas tiveron que ser atendidas por crises de ansiedade ao sufrir os ataques verbais desde as vivendas cando circulaban pola vía pública durante estes últimos días.
En ambos os casos, segundo a Policía Local, estas dúas persoas si tiñan xustificado o desprazamento e, a pesar diso, sufriron improperios desde as xanelas.
Relacionadas:
-
Conduce ebria e drogada por Marín cun coche que non tiña seguro
Por Redacción |
-
Ata 158 marinenses van confeccionar máscaras que o Concello distribuirá entre a poboación
Por Redacción |
-
O Concello de Marín reactiva as obras de humanización en Concepción Arenal
Por Redacción |
-
Dobre denuncia para un mozo de Marín: por incumprir o confinamento e por trapichear con drogas
Por Redacción |
-
A corporación marinense fai balance da batalla local contra a pandemia
Por Redacción |