Impulso á mellora da PO-235 na Lama coa redacción do proxecto da terceira fase de actuación
Por Redacción
A Consellería de Infraestruturas e Movilidad da Xunta de Galicia adxudicou a redacción do proxecto da terceira fase de mellora da estrada PO-235 na Lama, entre os núcleos de Seixido e Portela da Cruz.
Trátase dun novo paso na continuidade da renovación deste tramo de estrada, na que se definirán a nivel construtivo as actuacións necesarias entre os puntos quilométricos 18+100 e 25+000.
En concreto o proxecto desta terceira fase deberá incluír o ensanche do vial ata os 6,5 metros, a rectificación das curvas de menor radio e a mellora do firme, ademais da adaptación da drenaxe transversal da plataforma e o tendido e revestimento das cunetas. Tamén se dispoñerá a sinalización horizontal, vertical e de balizamento e defensas.
O contrato foi adxudicado cun orzamento de 18.000 euros á empresa Proyfe S.L., que agora conta con 6 meses de prazo para redactar o proxecto.
Anteriormente a administración autonómica xa ten avanzado dúas fases de mellora nesta infraestrutura, investindo 451.000 euros no tramo entre Xesta e Seixido e 1,53 millóns de euros no treito entre Antas e Seixido, este último actualmente en execución.
Relacionadas:
-
A Xunta dá por rematadas as obras de mellora da PO-235 entre Antas e Seixido
Por Redacción |
-
Máis de 1,5 millóns de euros para executar a segunda fase de mellora da estrada PO-235 na Lama
Por Redacción |
-
Convocan os propietarios dos terreos necesarios para a mellora da estrada entre Antas e Seixido, na Lama
Por Redacción |
-
Núñez Feijóo comprométese a redactar o proxecto da PO-235 en Seixido neste 2019
Por Redacción |
-
Luz verde ás expropiacións para executar as obras da PO-235 entre Antas e Seixido
Por Redacción |