A farmacia Muíños de Caldas doa material para confeccionar máscaras hixiénicas
Por Redacción
As iniciativas solidarias por parte da empresa privada non faltan cada día nesta excepcional situación sanitaria e económica. En Caldas de Reis a última delas veu da Farmacia Muíños que facía entrega de material para a confección de dous mil máscaras hixiénicas.
O seu propietario, Jesús Muíños facía entrega nas últimas horas da devandita achega altruísta ao Concello. Trátase de tea especial con dobre capa protectora e coas súas correspondentes gomas axustables. Ao recibir a doazón o alcalde, Juan Manuel Rey, señalalaba que “este tipo de accións son dunha gran axuda en momentos tan duros como os que estamos a vivir".
Agora a elaboración das máscaras correrá a cargo de máis voluntarios do municipio. Concretamente de persoas dedicadas á costura, de maneira que en quince días aproximadamente xa terán as máscaras listas para a súa distribución, segundo estima o departamento de Servizos Sociais que coordina o proceso.
Os destinatarios das máscaras serán os colectivos máis vulnerables, así como persoal dos establecementos e empresas que seguen prestando a súa actividade esencial estas semanas; servizos públicos e a poboación que poida necesitala. Doutra parte, o Concello de Caldas adquiriu material para que se poidan confeccionar outro dous mil máscaras, sen descartar que se realicen máis se fosen necesarias.
O municipio de Caldas suma numerosas axudas de empresas locais que doaron material e produtos de protección hixiénica, alimentos, cedendo temporalmente vehículos de apoio, poñéndose ao dispor do Concello; e tamén de mostras solidarias de veciños a título particular.
Relacionadas:
-
Recoñecemento institucional en Caldas ás costureiras voluntarias que elaboraron máscaras para os seus veciños
Por Redacción |
-
A Policía Local de Caldas denunciou 34 persoas no mes de aplicación do estado de alarma
Por Redacción |
-
O Rotary doa 20 tablets para que enfermos de Montecelo illados por coronavirus contacten coas súas familias
Por María José Pita |
-
Os particulares solidarios suman doazóns de material profiláctico en Pontevedra
Por Redacción |
-
Nova doazón do Grupo Pomasa á sanidade pontevedresa: 65 traxes químicos
Por Manu Otero |