As universidades galegas acordan non retomar as clases presenciais este curso
Por Redacción
Non haberá máis clases universitarias presenciais no presente curso 19/20. Así o pactaron os reitores das tres universidades galegas e así se consesuou coa Consellería de Educación nunha reunión celebrada este luns de maneira telemática.
Esta decisión tómase tras confirmar o Goberno a prolongación do estado de alarma pola crise sanitaria ata o 26 de abril, tendo en conta que aínda podería alongarse máis no tempo.
A formación universitaria si continuará, pero farao de maneira virtual mantendo o calendario académico preestablecido.
No encontro a conselleira de Educación, Carmen Pomar, confirmou ademais as datas da convocatoria extraordinaria da Avaliación do Bacharelato para o Acceso á Universidade (ABAU), que se celebrará os días 15, 16 e 17 de setembro tras solicitar a ampliación de datas.
Fíxase así a segunda convocatoria dunha Selectividade que, se o coronavirus o permite, terá as súas datas iniciais do 7 ao 9 de xullo.
Ademais da conselleira Carmen Pomar, do secretario xeral de Universidades, José Alberto Díez de Castro, e do director da ACSUG, Eduardo López, participaron na reunión telemática os reitores Manuel Reigosa (Vigo), Antonio López (Santiago) e Julio Abalde (A Coruña).
Relacionadas:
-
A selectividade será "diferente" con máis centros de exames e menos movemento de alumnos
Por Alejandro Espiño |
-
Andrés e Mencía, dous estudantes pontevedreses que viven a pandemia fóra do país
Por Alejandro Espiño |
-
A Universidade de Vigo facilita un manual de urxencia para a avaliación durante o COVID19
Por Redacción |
-
Clases non presenciais e exames virtuais, entre os plans da Universidade de Vigo
Por Alejandro Espiño |
-
A Universidade de Vigo dita normas para finalizar o curso desde casa
Por Manu Otero |
-
As probas ordinarias da Selectividade serán en Galicia entre o 7 e o 9 de xullo
Por Redacción |