![](/web/cache/scene/uploads/fotos/foto/9de/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5e7b818475-recomendacions-ccc2.jpg)
© Deputación de Pontevedra
A Deputación garante a "xestión segura" dos centros comunitarios de compostaxe
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os centros de compostaxe comunitaria instalados en diferentes puntos da provincia no abeiro do Plan Revitaliza extremarán as precaucións para garantir unha "xestión segura" durante o estado de alarma.
Así o asegurou a Deputación de Pontevedra, que elaborou un documento no que se facilitan á cidadanía indicacións de como tratar o lixo nos domicilios durante a crise sanitaria do coronavirus Covid-19.
Ademais, colocáronse nos centros comunitarios unha serie de recomendacións para evitar posibles contaminacións cruzadas, aínda que o sistema de compostaxe segundo explican conta con maiores garantías que os tradicionais. Isto é así porque segundo o asesor Carlos Pérez os virus non soportan temperaturas maiores de 42º e no caso dos recipientes de compostaxe alcánzanse temperaturas maiores a 55º sostidas no tempo.
As recomendacións trasladadas aos usuarios non distan demasiado das xenéricas: gardar dous metros de distancia co resto das persoas; o uso de luvas dun só uso e lavar periodicamente as mans; non tocar nariz, boca e ollos, e en xeral extremar a hixiene.
Actualmente o Plan Revitaliza xestiona composteiros comunitarios en Lalín (1), Cerdedo-Cotobade (1), Vilagarcía (2), Portas (1), Campo Lameiro (1), Barro (1), Ribadumia (2), Caldas (4), O Grove (10), Sanxenxo (1), Redondela (1), Vilaboa (10), Cangas (3), Bueu (2), Ponteareas (2), Mondariz (13), Mondariz Balneario (7), As Neves (5), Gondomar (2), O Porriño (1), Salceda de Caselas (5), Oia (2) e Tui (3).
No caso dos composteiros individuais instalados dentro da propiedades particulares, estase a realizar un seguimento vía telefónica mantendo as actividades presenciais imprescindibles.
Relacionadas:
-
Ernesto Filgueira traslada a Cubela as queixas veciñais sobre a recollida selectiva de lixo e compostaxe
Por Redacción |
-
VÍDEO.- No Día da Terra felicitan á cidadanía pontevedresa "polo ben que estades compostando"
Por Oskar Viéitez |
-
Quince novos mestres composteiros incorporaranse o 15 de maio ao traballo en catorce concellos
Por Redacción |
-
O estado de alarma duplica o tratamento de biorresiduos nos composteiros comunitarios de Pontevedra e O Morrazo
Por Redacción |
-
A Deputación lanza un servizo de asistencia telefónica semanal para controlar os composteiros individuais
Por Redacción |
-
Avalancha de peticións dos concellos ás axudas extraordinarias da Deputación pola crise sanitaria
Por Redacción |
-
O PP pide á Deputación que informe debidamente aos concellos sobre as medidas adoptadas para a loita contra o coronavirus
Por Sara Iglesias |
-
Mantense o normal funcionamento dos composteiros comunitarios
Por Oskar Viéitez |
-
Segovia fíxase no plan Revitaliza como modelo na xestión de residuos
Por Boris Rodríguez Pintos |