A UNED crea un portal web para a formación online desde casa con motivo do estado de alarma
![Sara](/web/cache/scene/uploads/xornalistas/foto/654/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5e25802536-sara.jpg)
Por Sara Iglesias
O Ministerio de Universidades e Crue Universidades Españolas puxeron en marcha un portal web deseñado pola UNED (Universidade Nacional de Educación a Distancia) e a UOC (Universitat Oberta de Catalunya), xunto coa contribución de todas as universidades españolas. 'Conectad@s: la universidad en casa' é unha plataforma con contidos útiles para a formación online e que conta con módulos didácticos, contidos de orientación metodolóxica, plataformas tecnolóxicas e software, así como asesoramento psicolóxico.
Este portal web recolle un extenso abanico de recursos de orientación e formación para o profesorado sobre metodoloxía de formación en liña, útil para o deseño e desenvolvemento de cursos non presenciais. No portal ofrécese ao persoal investigador, docente, pero tamén a estudantes, un amplo repertorio de materiais dixitais e contidos en aberto de distintas áreas de coñecemento.
Ademais, terá entre os seus contidos unha serie de conferencias, consellos, materiais de divulgación e atención personalizada para o coidado psicolóxico de quen o requira nestas circunstancias tan excepcionais polo estado de alarma.
Todos os medios da plataforma #LaUniversidadEnCasa son gratuítos e están enfocados tanto á comunidade universitaria española como a institucións de ensino.
Ademais desta nova iniciativa, o Centro Asociado de Pontevedra transformou todas as súas titorías para impartilas na modalidade de web conferencia, o que foi posible grazas ao esforzo e implicación do grupo de profesores titores do Centro Asociado, co apoio do Persoal de Administración e Servizos e equipo directivo permitindo que, desde o pasado venres, os estudantes poidan continuar asistindo ás súas titorías desde os seus domicilios.
Relacionadas:
-
A UNED reduce a dous os seus cursos de verán en Pontevedra polo coronavirus
Por Redacción |
-
O 30% dos estudantes galegos non ten acceso á educación de maneira non presencial
Por Redacción |
-
Que é o que máis consultamos na internet estes días?
Por Marisa Ciordia |
-
Eu quedo na casa... e estudo
Por Oskar Viéitez |
-
Educación suspende as clases en Galicia polo coronavirus
Por Alejandro Espiño & Natalia Puga | Creada e actualizada