Rematan as obras de reforma urbana na Praza Arousa de Cambados
Por Redacción
A Praza Arousa de Cambados, en Ferfiñáns, loce por fin a súa nova aparencia tralas obras de remodelación dos últimos meses.
Os traballos permitiron substituír o antigo pavimento de formigón por lousas de pedra e tacos de granito, con estilo similar a outros lugares da zona histórica. Ademais, a actuación incluíu a separación de augas pluviais e residuais na rede de canalización, coa intención de rematar así cos desbordamentos puntuais que sufría a praza.
O presuposto da obra ascendeu a 49.792,86 euros.