A Xunta adxudica o proxecto para instalar un paso de peóns con semáforo en Chancelas
Por Redacción
A Consellería de Infraestruturas e Mobilidade acaba de adxudicar as obras de instalación dun paso de peóns con semáforo na estrada PO-308 na localidade de Chancelas, no termo municipal de Poio.
Cun investimento de 38.000 euros, a empresa Setga será a encargada de executar un proxecto encamiñado a mellorar a seguridade viaria dunha estrada que os veciños levan anos esixindo. Os traballos comezarán nas próximas semanas e o prazo de execución é dun mes.
Trátase dun plan que ten como finalidade dar resposta a unha demanda dos veciños da zona que solicitaron medidas que lles facilite cruzar a estrada en condicións de seguridade. Despois de avaliar as diferentes alternativas, a Axencia Galega de Infraestruturas decidiu acometer a que permite garantir en mellores condicións a seguridade dos usuarios.
A obra consiste na instalación dun semáforo con pulsador detrás da parada de autobús. A actuación completarase posteriormente con melloras na seguridade viaria recollidas no proxecto de senda peonil entre Combarro, Chancelas e Samieira.
Relacionadas:
-
Comezan as obras para instalar un paso de peóns con semáforo en Chancelas
Por Boris Rodríguez Pintos |
-
Chancelas reforzará a súa seguridade peonil coa instalación dun paso de peóns con semáforo
Por Redacción |
-
A Xunta sinalizará o paso de peóns na PO-308 ao seu paso por Chancelas
Por Oskar Viéitez |
-
A Xunta analiza cos veciños de Chancelas a instalación dun paso de peóns na PO-308
Por Oskar Viéitez |