O goberno de Poio tamén se sente discriminado pola TVG
Por Redacción
Este martes 23, o pleno de Pontevedra denunciaba o tratamento que a Televisión de Galicia (TVG) daba á cidade nos seus informativos e declaraban "hostil e partidario" ao ente público. Un día máis tarde, as portavoces do BNG e do PSOE en Poio, Silvia Díaz e Chelo Besada, presentaron unha moción no rexistro municipal para tratar no pleno da corporación do próximo martes 30. Nesta moción denúnciase "a campaña de manipulación da TVG en relación co noso concello e para exixir do presidente da Xunta de Galiza e da dirección do ente público, unha cobertura dá realidade obxectiva, real, veraz e dotada de medios,".
As voceiras consideran que na TVG oculta denuncias sobre os recortes sociais ou as estafas que padecen os cidadáns e, non obstante, as informacións que emiten sobre o concello de Poio son sempre negativas, "baixo unha obsesión por roubos, asaltos ou incendios en galpóns, que crean unha imaxe irreal distraendo a atención de problemas como a fraude, ou roubo dá banca ou ou desemprego,".
Ambas as dúas concelleiras indican que a televisión autonómica non ofrece información sobre a "corrupción que asola o PP" en contraste co resto de televisións e xornais.
Ante esta situación, pedirán ao pleno que declare á TVG como "un medio de comunicación partidista e falseador da realidade galega". Se é aprobada a moción, o acordo será enviado ao presidente da Xunta e á dirección e ao consello asesor da CRTVG.
Relacionadas:
-
O BNG solicita que a delegación da radio e televisión galega volva a Pontevedra
Por Oskar Viéitez |
-
A TVG non "tomará ningunha medida" para dar máis cobertura informativa ao concello de Pontevedra
Por Redacción |
-
O pleno de Pontevedra declara á TVG como "medio de comunicación partidista e hostil" coa cidade
Por Redacción |