Volven as visitas guiadas á illa de Tambo
Por Redacción
A asociación Irmandade Illa de Tambo pon en marcha un novo programa de visitas guiadas á illa de Tambo. Para o sábado 7 de marzo está prevista a primeira excursión guiada por persoal da asociación, que informarán os asistentes sobre o pasado, desde a prehistoria, ata o momento actual da illa.
Irmandade Illa de Tambo leva varios anos realizando un labor de investigación e posta en valor do patrimonio cultural e natural deste espazo e actualmente están centrados en conseguir os avances administrativos necesarios para levar a cabo un proxecto de interese xeral neste lugar.
A visita será en horario de mañá. O barco partirá do porto de Combarro ás 10.00 horas para regresar ao mesmo lugar ás 13.30 horas. Aqueles interesados en participar poden atopar información na páxina de Facebook Irmandade Illa de Tambo ou a través do correo electrónico irmandadeilladetambo@gmail.com