Expoñen tres opcións para devolver a area ás praias de Carabuxeira e Lavapanos
Por Oskar Viéitez
O grupo de traballo das tres administracións, Costas, Xunta e Concello de Sanxenxo coñeceu na reunión deste venres os informes completos sobre a area depositada no fondo mariño da contorna da praia de Carabuxeira que confirman que procede deste areal e, por tanto, é a mellor posible para a súa rexeneración.
A partir da confirmación idoneidade da area os técnicos expoñen tres posibilidades.
A primeira opción sería achegar area á praia sen a instalación de ningunha medida que evite o seu posible perdida. Esta opción sería a máis rápida, pero supoñería o risco importante de que se perdese o depositado no próximo outono e inverno.
A segunda alternativa consiste en depositar a area e á vez, instalar un xeotubo baixa a auga que garanta a fixación do árido na praia. Trátase de construír unha barreira mergullada composta de sacos de area que evitaría a perdida da depositada na praia, unha técnica que se utiliza en Holanda e outros países europeos.
Para a execución destes traballos é necesaria a autorización de Costas e o ideal sería declarar a obra de emerxencia para que se puidese facer a achega antes do verán, ou na súa falta, facer unha tramitación ambiental.
O concello, xa tivo que asumir algunha indemnización pola afección aos muros das vivendas pois a degradación da praia arrástrase desde 2008 polo que velará por unha tramitación breve.
A terceira posibilidade daríase se non se recoñece a emerxencia da obra, nese caso a autorización do xeotubo prolongaríase ata novembro ou decembro, o que faría imposible a rexeneración da praia este ano.
O Goberno local de Sanxenxo asegura que lle gustaría que fose posible a segunda opción porque permitiría resolver o problema para este verán e "en aras de achegar unha solución estable" e, ademais, supón a "aposta por un modelo de barreira, innovador e respectuoso co medio mariño".
En calquera caso, hai que esperar os pronunciamentos das administracións competentes e respectar a súa decisión.
Relacionadas:
-
Sae a licitación a rexeneración da praia da Carabuxeira
Por Redacción |
-
Prevista para mediados de setembro a licitación para rexenerar A Carabuxeira
Por Redacción |
-
A rexeneración da Carabuxeira está pendente de trámites en Costas e a Autoridade Portuaria
Por Redacción |
-
Un estudo localiza a area perdida pola praia da Carabuxeira
Por Oskar Viéitez |
-
Costas estudará dragar area da ría para rexenerar a praia de Carabuxeira
Por Redacción |