A Xunta pon en marcha a mellora da seguridade viaria nos accesos ás praias de Lapamán e Agrelo
Por Redacción
A mellora da seguridade viaria na estrada PO-551 ao seu paso polos concellos de Bueu e Marín ponse en marcha. A Axencia Galega de Infraestruturas citou para o próximo mes de marzo aos titulares dos terreos necesarios para executar as obras para o levantamento das actas previas á ocupación.
A actuación, incluída nun proxecto autonómico de 1,2 millóns de euros destinados a reducir os puntos negros nas estradas galegas, contempla a execución de dúas novas glorietas nas zonas de Lapamán e Agrelo, así como a mellora dun cruzamento no municipio de Marín. Tamén reforzarán a sinalización dos pasos de peóns existentes nas parroquias de Cela e Bueu coa instalación de semáforos con pulsador.
O boletín oficial da provincia recolle este venres que os propietarios afectados pola obra están citados o día 26 pola mañá en Bueu e ao día seguinte, en Marín.
Relacionadas:
-
A Xunta reactiva a tramitación das obras no Tramo de Concentración de Accidentes de Bueu
Por Oskar Viéitez |
-
Infraestruturas licita as obras na estrada PO-551 ao seu paso por Marín e Bueu
Por Oskar Viéitez |
-
Aproban o proxecto para mellorar a seguridade viaria na estrada entre Bueu e Marín
Por Redacción |