No primeiro programa de 'Ponte en el mapa', PontevedraViva Radio viaxa ata Arezzo, na rexión italiana da Toscana. Ata alí imos co escultor pontevedrés Borja Blanco Cochón.
Concluída a bolsa, Andreina ofreceulle seguir axudando no proxecto e a cambio ter unha casa onde aloxarse. A día de hoxe traballa na súa traxectoria persoal como artista. Xa expuxo en Florencia ou na Universidade de Arezzo. É escultor, traballa con madeira e a súa ferramenta de traballo é a motoserra. Resta importancia a este feito e cita a outros artistas como Marcos Mariño de Arcade ou ao reputado Leiro.
Polo momento "sobrevivo coa escultura", di en PontevedraViva Radio; así que complementa os seus ingresos como operador de cámara en competicións ecuestres. E aquí atopámonos con outra das paixóns de Borja Blanco: os cabalos, un animal que tamén traslada á madeira.
Describe un ambiente bucólico en Arezzo, "é como un val encantado". Fala perfectamente o italiano e sente integrado. A súa calidade de vida é perfecta: "facer o que che gusta, ter o teu tempo, os teus horarios e ser realmente libre facendo o que queiras cando queiras, a pesar de que haxa obrigacións... é perfecto".
Pontevedra a visita unha vez ao ano; cando volve tampouco para quieto e segue facendo encargos de escultura que lle piden. A parte menos agradable é estar afastado da familia en certas situacións. Bota de menos: facer algo que facía de neno, ir por aldeas e falar cos maiores do lugar.