Conclúe a construción dunha senda peonil en Portosanto
Por Redacción
A Xunta de Galicia finalizou a construción dunha nova senda peonil na estrada PO-309 en Portosanto, Poio.
Trátase dunha reiterada demanda veciñal nun vial que comunica coa autipista AP-9 e que conta cun notable volume de tráfico debido a esta circunstancia.
A nova senda conta cunha lonxitude duns 400 metros e permite conectar dunha maneira máis segura a Avenida Peirao Bicada con Avenida Colón, Camiño das Bocas e Camiño Pateira, dando servizo a equipamentos como a escola infantil, o Museo Colón ou as instalacións deportivas.
A intervención incluíu a mellora da iluminación na estrada, coa instalación de 14 novas luminarias, a protección dos pasos de peóns e a extensión nunha das beiravías dun microaglomerado pintado para as persoas que percorran a estrada.
Esta actuación, impulsada pola Consellería de Infraestruturas e enmarcada dentro do programa operativo FEDER 2019-20, supuxo un investimento de máis de 48.000 euros.