Poio traslada á Xunta a necesidade de reformar a PO-308 no núcleo urbano de San Salvador
Por Oskar Viéitez
O goberno local de Poio trasladou este mércores unha petición á Consellería de Infraestruturas para acometer unha mellora integral do tramo da PO-308 que transcorre por boa parte do casco urbano da parroquia de San Salvador.
Trátase dunha actuación que afectaría fundamentalmente ás avenidas da Barca, Andurique e Porteliña.
O Concello entende que nesta zona é preciso desenvolver obras que sirvan para construir novas beirarrúas, así como para renovar e instalar novos servizos.
No encontro participaron o alcalde, Luciano Sobral; o concelleiro de Urbanismo, Gregorio Agís, e a edil de Participación Veciñal, Silvia Díaz. Eles foron os encargados de dar traslado desta demanda ao responsable da Axencia Galega de Infraestruturas, Francisco Menéndez, e ao delegado territorial da Xunta en Pontevedra, José Manuel Cores Tourís.
Os membros do tripartito amosaron a súa satisfacción unha vez concluida a reunión, que se prolongou durante case tres horas, e agradeceron aos representantes da administración autonómica a súa predisposición á hora de que ambas partes analizasen a situación do vial.
Os dirixentes municipais adiantaron que o Concello está disposto a asumir unha porcentaxe do orzamento que sería necesario para impulsar esta obra, a través dun convenio de colaboración similar ao que a Xunta xa firmou noutros concellos para levar a cabo actuacións semellantes.
Ademais, durante a reunión tamén se falou do proxecto de mellora da PO-308 que se realizará entre Fontenla e Combarro, ao cal o Concello de Poio presentou unha serie de alegacións que o ente autonómico está disposto a analizar e a ter en consideración.
Relacionadas:
-
Poio quere impulsar un convenio coa Xunta para humanizar Andurique, A Barca e Porteliña
Por Redacción |
-
Poio protesta ante a Xunta pola supresión de prazas de servizos na avenida da Porteliña
Por Redacción |
-
Feridas dúas mozas ao seren atropeladas na avenida da Barca por un motorista que deu positivo en cannabis
Por Anxo Lourido |
-
A Xunta pide ao Concello de Poio que concrete unha proposta para reformar o tramo da PO-308 máis próximo á Barca
Por Redacción |
-
Chancelas reforzará a súa seguridade peonil coa instalación dun paso de peóns con semáforo
Por Redacción |
-
Case 4 de cada 10 infraccións de tráfico en Poio cométense na PO-308
Por Redacción |
-
Ferido un ciclista nun atropelo en Poio
Por Oskar Viéitez |