Ángel Ruibal asume as rendas da Policía Local de Pontevedra
Por Alejandro Espiño
A Policía Local de Pontevedra estrea novo xefe. Trátase de Ángel Ruibal, inspector principal deste corpo policial, que substituirá a Daniel Macenlle, despois do seu nomeamento como director xeral de Protección Cidadá e Emerxencias.
Así o acordou a concellería de Protección Cidadá, que tivo que tomar esta decisión ante os cambios na xefatura da Policía Local provocados polo ascenso de Macenlle e o outro intendente principal, José Manuel González Abal, o novo director xeral de Persoal.
O cargo de Ángel Ruibal, que asinou este mércores o seu nomeamento, será de carácter provisional, segundo lembrou o Concello.
A súa xefatura será interina mentres que o goberno municipal convoca un concurso público para cubrir a vacante que deixa libre Daniel Macenlle.
Ruibal era, ata o de agora, un dos dous inspectores principais da Policía Local de Pontevedra, corpo no que protagonizou unha exitosa carreira profesional desde o seu ingreso no ano 1985.
Durante estes case 35 anos de servizo só estivo fóra da cidade durante un ano, época na que estivo a traballar en Ferrol.
Relacionadas:
-
Nomean a José Manuel Duarte como novo xefe da Policía Local de Pontevedra
Por Redacción |
-
O Concello convoca o posto para a xefatura da Policía Local
Por Oskar Viéitez |
-
O xefe da Policía Local de Pontevedra deu positivo por coronavirus
Por Oskar Viéitez |
-
Ordenan ao Concello negociar unha mellor organización do traballo da Policía Local
Por Alejandro Espiño |
-
Macenlle, Gómez Viñas e González Abal, novos directores xerais do Concello de Pontevedra
Por Oskar Viéitez |
-
O inspector de Pontevedra Ángel Ruibal e o policía de Sanxenxo Abelardo Martínez reciben os premios Fesvial
Por Redacción |
-
Conceden a medalla da Seguridade Viaria ao Policía Local de Pontevedra, Ángel Ruibal
Por Redacción |