Dezaoito locais da zona vella participarán na Laconada de San Sebastián
Por Redacción
Dezaoito locais da zona vella de Pontevedra participarán esta fin de semana na terceira edición da Laconada de San Sebastián que promove o CCU Zona Monumental. Estes establecementos ofrecerán durante os días 18 e 19 de xaneiro diversos pratos nos que o lacón e os grelos serán protagonistas.
Os restaurantes que ofrecerán estas preparacións para combater o frío invernal son: Borona, Bárbol, La cata, Pintxo Viño, Verdún, A Casa da Leña, Almiranta, Bar Estrella, Bárbol, Central, Estafeta, O Cruceiro, Pontegrill, Sonata, Taberna Zentola, El Pecado e La Cámara.
Ademais de diferentes receitas, polas rúas do centro histórico haberá diversas actividades para animar o ambiente ao longo de toda a fin de semana.