Xoias solidarias para a loita contra o cancro
Por Redacción
O local de Down Pontevedra "Xuntos" acolleu este mércores a inauguración da exposición Xoias Solidarias deseñada pola escritora Loli Beloso. Unha mostra que estará aberta ao público durante as datas do Nadal e que serve para colaborar na investigación sobre o cancro.
Os elementos que compoñen a exposición están realizados con pedazos de porcelana de Celtia, unha fábrica fundada por Isaac Díaz Pardo en arxentina con emigrantes galegos. "Son xoias solidarias e históricas porque rescatan deseños de Díaz Pardo", dixo a artista sobre a súa colección.
Entre os pendentes, colares ou pulseiras que integran a mostra, poden observarse deseños de porcelana típica dos exiliados galegos en Sudamérica dos anos 50, nos que as montaxes sobre prata e con encaixe de palillos adoitaban ser habituais.
Os beneficios obtidos coa venda destas xoias serán doados á Fundación Pública de Medicina Xenómica que lidera Anxo Carracedo. O médico Manuel Fernández Arruty exerce de padriño da mostra, que poderá visitarse ata o 10 de xaneiro.
Relacionadas:
-
A pontevedresa Loli Beloso logra que a cidade arxentina de Magdalena homenaxee a Isaac Díaz Pardo co nome dunha rúa
Por Redacción |
-
'Lazos de agarimo' desde Tomeza para axudar na educación dos nenos máis desfavorecidos de Nicaragua
Por Natalia Puga |
-
Homenaxe a Isaac Díaz Pardo en Tomeza polo centenario do seu nacemento
Por Natalia Puga |
-
A AECC de Pontevedra saca o cancro á rúa
Por Redacción |
-
A asociación contra o cancro pecha o "rastrillo" con récord de vendas
Por Redacción |
-
Novo obradoiro de educación musical na Universidade para integrantes de Down Xuntos
Por Redacción |
-
Unha nova usuaria de Down Pontevedra traballará como monitora de comedor no Vidal Portela
Por Redacción |