Búscase persoal administrativo para o Concello de Pontevedra
Por Redacción
A Xunta de Goberno de Pontevedra aprobaba este luns o incremento da oferta de emprego público prevista para o ano 2020. Anabel Gulías, portavoz municipal, indicaba que se tomaba esta decisión ante o aumento do volume de traballo existente na administración local.
Desta forma convócanse:
- 6 prazas de Administración. 3 corresponden a promoción interna e outras 3 para quenda libre. Unha destas tres últimas atópase reservada para persoas con diversidade funcional.
- 7 prazas de Auxiliar administrativo. Todas son libres e tamén una delas será reservada para persoas con diversidade funcional.
- 1 praza de Traballadora Social. A intención é que unha persoa funcionaria de carreira ocupe este posto, que desde 2018, cando foi creado, atópase ocupado por unha funcionaria interina.
Esta convocatoria de 14 prazas está prevista para 2020. A estes postos de traballo hai que sumar outras 16 prazas convocadas en 2019 e que se atopan en curso:
12 prazas de policía, 2 de bombeiros, unha de persoa técnica de Administración xeral e outra de operario subalterno do Pazo da Cultura.