Unha árbore 'palleira' moi solidaria
Por Redacción & Diego Torrado
Á decoración de Nadal que anima estes días as praza da Ferrería sumouse durante a xornada deste sábado unha árbore máis, neste caso, con fins solidarios. Na zona dos Soportais estivo entre as 11.00 horas da mañá e as 20.30 horas da tarde o mercado solidario co que a protectora Os Palleiros buscou recadar fondos para o seu funcionamento e todos os que quixeron colaborar sumaron á súa árbore novos adornos e donativos.
A asociación, responsable da xestión da canceira municipal, tivo á venda camisetas, bolsas, doces, adornos de Nadal e logrou a solidariedade de moitos pontevedreses, que entregaron latas, penso, salchichas, correas, colares ou comedoiros que axudarán ao normal funcionamento das instalacións durante os próximos meses.
A propia asociación publicou a última hora da da xornada no seu perfil oficial de Facebook o seu agradecemento ás persoas que se achegaron ata os Soportais, aos que mercaron, aos que fixeron donativos e a todos os que fan posible o funcionamento da protectora. "Merece la pena hacer cosas así cuando la respuesta es como la de hoy", sinalaron, e agradeceron de xeito especial a implicación do voluntariado.
A concelleira de Benestar Animal, Paloma Castro, foi unha das pontevedresas que fixo o seu donativo en favor do colectivo e animou a todos os cidadáns a achegarse ata a xa tradicional árbore de Nadal dos Palleiros.
Relacionadas:
-
Os Chichisos buscan xente para cantar "os Reis"
Por Redacción |
-
Iníciase unha campaña para promover a adopción de cans e gatos seguindo os pasos da app Tinder
Por Anxo Lourido |
-
'Peludiños solidarios', un evento para axudar tres asociacións protectoras dos animais
Por Redacción |
-
De cans abandonados a animais de axuda para persoas con TEA e con alzheimer
Por Mónica Patxot & Anxo Lourido |
-
O calendario 2018 de Os Palleiros busca rachar cos estereotipos sobre os cans potencialmente perigosos
Por Natalia Puga |
-
Do rescate ao coidado e a adopción: así es o labor solidario dos Palleiros
Por Redacción |