O porto de Marín apúntase á eficiencia enerxética
Por Redacción
A Autoridade Portuaria de Marín e Ría de Pontevedra acaba de poñer en marcha un proxecto de mellora da eficiencia enerxética en varias zonas do porto mediante a substitución das actuais luminarias de vapor de sodio por luces LED, máis modernas e eficientes.
As zonas nas que se actuará son o Peirao Comercial Sur, o Peirao Pesqueiro Norte, o Peirao Pesqueiro Leste e a zona do edificio de Operacións Portuarias.
Ademais, vai mellorar a iluminación interna do tendedeiro de redes substituíndo as luces interiores por luces LED, atendendo así ás observacións realizadas polos usuarios desta instalación.
A institución adxudicou á empresa SETGA a actuación, que está recollida no Plan de Investimentos da Autoridade Portuaria e ten un prazo de execución de mes e medio.