Os grupos parlamentarios demandan unha cobertura axeitada ás emerxencias nos municipios do interior
Por Oskar Viéitez
A comisión primeira do Parlamento Galego aprobou este mércores por unanimidade unha iniciativa do BNG para o desenvolvemento da Lei de Emerxencias de Galicia, así como a diminución dos actuais tempos de resposta do Servizo de extinción de incendios e salvamento nos concellos de Campo Lameiro, Cerdedo-Cotobade, Forcarei, Moraña, Ponte Caldelas e A Lama, e nas demais zonas de sombra.
Desde fai xa máis de 2 anos, a Xunta anunciou a revisión do mapa de emerxencias e a comarcalización dos parques de bombeiros das cidades, mais pouco se avanzou ao respecto.
Os grupos parlamentarios instan á Xunta e a Deputación de Pontevedra a que "estuden e acorden", en colaboración cos concellos e a través dos consorcios, unha solución para darlle unha cobertura axeitada ás emerxencias nos citados municipios do interior da provincia.
O Partido Popular presentou unha emenda á proposición do Bloque Nacionalista Galego pedindo que se eliminase o prazo do primeiro semestre do 2020 para poder buscar esta solución.
Relacionadas:
-
Xunta e Deputación aproban o paso ao modelo de xestión directa nos catro parques comarcais de bombeiros da provincia
Por Redacción |
-
Crean a comisión para abordar a xestión directa dos parques comarcais de bombeiros
Por Redacción |
-
O BNG pide un parque de bombeiros no interior da provincia para os concellos de sombra
Por Redacción |
-
O PP reclama á Deputación que poña fondos para comarcalizar o parque de bombeiros de Pontevedra
Por Oskar Viéitez |
-
Os concellos do interior reclaman a mellora do servizo de emerxencias
Por Oskar Viéitez |