O PP esixe publicidade para o listado de empresas que contrata o Concello
Por Redacción
O voceiro do grupo municipal do Partido Popular, Jacobo Moreira, considera "indispensable" que o alcalde de Pontevedra, Miguel Anxo Fernández Lores reaccione de inmediato "ante a sucesión incesante de evidencias que amosan por que Pontevedra ocupa o último lugar en transparencia entre os consistorios urbanos galegos".
No vindeiro pleno municipal, o voceiro do Partido Popular presentará unha moción para que se dea publicidade ao listado de empresas que facturan máis de 300.000 euros anuais a Administración Local, "un xesto que tería que converterse nun primeiro paso dunha verdadeira apertura das portas do Concello".
"A relación de argumentos que alimentan esa negativa imaxe da cidade vai crecendo de xeito constante, como ocorreu esta mesma semana coa denuncia do PP sobre a mentira da existencia de superávit nas contas que, trasladadas ao Ministerio de Hacienda, converteron realmente a Pontevedra na única urbe galega que pechou con déficit o exercicio económico pasado", din os populares.
Entre outras circunstancias dende o PP critican "o costume de preparar o orzamento municipal só en anos pares, o descubrimento da oposición de que o peche de contas en NGB anunciado aos afectados polas participacións preferentes e subordinadas acadou só o 0,43% do saldo municipal nesta entidade, a ocultación do abono de 40.000 euros de intereses á empresa que fixo a reforma da avenida de Marín, o pago do dobre do anunciado no seu día por un concerto musical, ou a sistemática paralización e esquecemento de compromisos públicos de xeito completamente silencioso, como a urbanización do contorno de Pasarón ou o proxecto de mellora do Campo da Torre, conforman para a oposición parte dun listado de negativos exemplos que non para de crecer".
Moreira apunta que se o alcalde "non tivera nada que ocultar, debería poñela información a disposición do público a través da páxina web, tanto so por simple transparencia, para que calquera veciño acceda a eses datos sobre distribución do seu diñeiro e para paliar en parte esa mala imaxe que ofrece permanentemente por traballar na máis absoluta opacidade. Non podemos ser os peores de Galicia e quedar tan tranquilos", remata.
Relacionadas:
-
O PP de Pontevedra asegura que o Concello tamén prorrogou irregularmente dous contratos de servizo do recinto feiral
Por Oskar Viéitez |
-
Jacobo Moreira sobre Raimundo González: "Este concejal de Hacienda tiene la misma credibilidad que el señor Bárcenas"
Por Redacción |
-
O PP presenta unha queixa formal contra Louro polo seu "máximo oscurantismo" cos crematorios
Por Redacción |
-
O PP interporá unha queixa formal por resistirse o Concello a facilitar varios informes xurídicos
Por Redacción |
-
O PP culpa á falta de orzamento da ausencia de "claridade e transparencia" nas contas municipais
Por Alejandro Espiño |