Denuncian o "deplorable" estado da unidade de drogodependencias de Pontevedra
Por Redacción
Humidades, desconchados, gretas, cables soltos, cadeiras de brazos vellas, cheiros nauseabundos ou baños impracticables son, entre outros danos, o estado "deplorable" no que, segundo denuncia Cidadáns, está a unidade asistencial de drogodependencias de Pontevedra.
O portavoz de Cidadáns, Goyo Revenga, lembra que a cidadanía ten "dereito a ser tratada con dignidade" en calquera centro sanitario, "sexa cal for a patoloxía pola que acode a el" e iso non ocorre neste centro.
Todo iso está producido, segundo Revenga, pola falta de mantemento por parte do goberno municipal nunha unidade que atende a persoas adultas e menores de idade con problemas de adiccións.
"Gustaríame preguntarlle ao equipo de goberno como cre que sentirá unha persoa se cando é derivada a esta unidade, o primeiro que se atopa é esta imaxe, que deixa claramente de manifesto o pouco interese da administración cara as vítimas de trastornos adictivos", denunciou o dirixente de Cidadáns.
Esta situación fai que o centro, que está formado por dous locais, un cuxa fachada dá á praza Valentín García Escudeiro e outro que dá a Julio Camba, sexa "indigno" para os pacientes e para os traballadores.
Relacionadas:
-
Rafa Domínguez ve "lamentables" as condicións nas que se atopa o servizo da unidade de drogodependencias
Por Álvaro Arosa Barco |
-
Denuncian a "morte silenciosa" do servizo sanitario de Drogodependencias do Concello de Pontevedra
Por Redacción |
-
Reforzan a Unidade de Drogodependencias coa adquisición de material por 7.000 euros
Por Redacción |
-
O CIM de Pontevedra contará en 2020 cunha nova psicóloga
Por Alejandro Espiño |