A Bonoloto deixa un premio de case 300.000 euros en Vilagarcía
Por Redacción
Un boleto da bonoloto selado na administración número 4, en San Roque, Vilagarcía de Arousa, gañou un premio de 298.857 euros.
A combinación gañadora é o 5, 21, 22, 29, 39 e 41. Complementario o 1 e reintegro o 8.
Segundo informou Loterías e Apostas do Estado, a persoa agraciada selou un único boleto que acertou os seis números do sorteo deste luns.
O premio obtido para cada categoría depende do número de acertantes. Para este sorteo recadáronse 2.067.245 euros dun total de 4.134.490 apostas. Da devandita cantidade, destinarase a premios 1.136.984,75 euros.