O Tribunal Supremo propón que o xuíz Luciano Varela sexa condecorado
Por Redacción
O veterano maxistrado pontevedrés, Luciano Varela, foi proposto polo Tribunal Supremo para que sexa condecorado coa medalla de San Raimundo de Peñafort, que premia o mérito e servizo á Xustiza.
Desde hai 12 anos Luciano Varela é maxistrado da Sala do Penal Tribunal Supremo, é un dos sete xuíces do 'procés', e está a piques de xubilarse.
O Consello Xeral do Poder Xudicial (CGPJ) emitiu un informe favorable a esta proposta e así llo trasladou ao Ministerio de Xustiza que é o encargado de conceder esta condecoración para recoñecer os servizos prestados e a contribución ao desenvolvemento e perfeccionamento do Dereito e a xurisprudencia.
Luciano Varela accedeu á xudicatura en 1975 e foi un dos fundadores a asociación progresista Xuíces para a Democracia. Accedeu á Audiencia Provincial de Pontevedra en 1989 e foi autor do borrador da Lei do Xurado.
A xubilación de Varela, prevista inicialmente para o pasado 9 de maio, aprazouse ata que a causa especial polo proceso independentista conclúa definitivamente. O CGPJ xa sacou a concurso a súa vacante.