Comezan os trámites para dotar dunha residencia a Amencer e un centro de día a Amizade
Por Oskar Viéitez
A Xunta de Goberno Local aprobou este luns o inicio do proceso administrativo para a reforma do Centro Sur, onde actualmente conviven asociacións e entidades de distintos eidos, e no que tamén terán sede Amencer e Amizade.
A portavoz do Goberno e responsable da xestión dos Fondos Europeos, Anabel Gulías, informou de que se trata dun proxecto ambicioso e integral, tamén nos espazos agora ocupados por entidades.
A parte principal será o acondicionamento dun espazo para Amencer que o empregará como residencia, e doutro para Amizade que creará un centro de día e de orientación laboral.
Coa aprobación pola Xunta de Goberno inícianse os trámites de concesión demanial a todas as entidades. Neste proceso determinaranse o número de anos de concesión e tamén se sacará a contratación o proxecto de remodelación para as plantas de Amencer e Amizade-Cogami.
O importe total do investimento é de 1.547.904 euros.
Trátase dun proxecto que estará financiado nunha porcentaxe polos Fondos Europeos de Desenvolvemento Rexional (FEDER) concedidos á Estratexia de Desenvolvemento Sostible e Integral (EDUSI) "Máis modelo, Pontevedra".
Relacionadas:
-
Amencer Aspace estreará en oito meses unha residencia no Centro Sur con prazas para 32 usuarios
Por Manu Otero & Mónica Patxot |
-
Sae a licitación a reforma do antigo ximnasio da ONCE
Por Oskar Viéitez |
-
Un símbolo internacional para recoñecer as discapacidades que non son visibles
Por Oskar Viéitez |
-
A urbanización da finca da ONCE entra na recta final da súa tramitación
Por Oskar Viéitez |