Un home queda aprisionado entre dous coches nun atropelo en Campelo
Por Redacción
Un home de 55 anos resultou ferido este martes tras ser atropelado por dous vehículos na rúa Pai Avelino de Campelo.
No atropelo víronse implicados dous vehículos que circulaban uno en cada sentido. Por causas que aínda se están investigando, o peón quedou aprisionado no medio dos dous coches.
O accidente produciuse sobre as 13.00 horas e, como consecuencia do mesmo, o home atropelado, veciño de Campelo, tivo que ser evacuado a un hospital. Segundo informou a Policía Local de Poio, presentaba varios traumatismos e un golpe na cabeza.
A Policía Local de Poio está a investigar as causas do atropelo. Segundo a información facilitada, ambos os condutores deron resultado negativo nas probas de alcol. Un deles ten 78 anos.
O atropelo produciuse en espazo recentemente reformado pola Deputación Provincial con plataforma única e que comunica o peirao de Campelo coa praza da Granxa, onde está a igrexa.