A ministra de Defensa, sobre a Escola Naval: "es un referente esencial y fundamental de las Fuerzas Armadas"
Por Oskar Viéitez & Cristina Saiz
A ministra de Defensa en funcións, Margarita Robles, visitou este luns en Marín, a Escola Naval Militar, un centro de formación de todos os oficiais da Armada ao que se sinalou como "un referente esencial e fundamental das Forzas Armadas".
Margarita Robles asegurou que "los hombres y mujeres que salen de esta escuela son los que llevan muy alto el pabellón de la Armada española".
Robles indicou que a española é "una Armada moderna, preparada, un punto de referencia en Europa y en el mundo" e, neste senso "Marín es un punto esencial y básico en la historia, pero en el presente y en el futuro de la Armada Española".
A ministra de Defensa, que estivo acompañada polo secretario de Estado de Defensa, Ángel Olivares, polo Almirante Xefe do Estado Maior da Armada, Teodoro López Calderón e polo subsecretario de Defensa, Alejo de la Torre, foi recibida con honras polo Batallón de alumnos da Escola Naval.
A continuación, o comandante director, Ignacio Cuartero, informou á ministra sobre o curso 2019-2020 que se esta impartindo na escola.
Durante o percorrido polas instalacións, Robles puido visitar a aula de navegación e o simulador de navegación, as lanchas de instrución e o edificio Isaac Peral. A titular de Defensa interesouse polas obras de mellora da habitabilidade do Cuartel de Alumnos.
Por último, Robles trasladouse ao comedor de alumnos onde dirixiu unhas palabras ás damas e cabaleiros alumnos e finalizou cun xantar.