A Conca do Lérez contará con tres brigadas forestais
Por Redacción
O consorcio Conca do Lérez porá en marcha, a mediados de este mes, tres brigadas forestais de prevención e defensa contra os incendios.
A decisión foi comunicada este luns polo presidente do consorcio e alcalde de Cerdedo, José Balseiros, o alcalde de Cotobade, Jorge Cubela e o alcalde de Campolameiro, Julio Sayáns, ao delegado territorial da Xunta de Galicia, José Manuel Cores.
Deste xeito, os tres concellos, a través do consorcio, comprométense a preparar faixas de xestión de biomasa en terreos forestais de titularidade municipal ou de propietario descoñecido. "Estes traballos consistirán na posta en marcha de roza manual, rareo e eliminación de restos nun mínimo de cinco hectáreas durante os tres meses de operativo destas brigadas, co obxectivo de levar a cabo labores de prevención", explicou o delegado territorial.
En total, Conca do Lérez contará con 15 brigadistas, distribuídos en tres brigadas, que estarán operativos a partir da segunda metade do mes de xullo e durante un prazo de tres meses dende o día que comecen a traballar.
Relacionadas:
-
22 desempregados de Cotobade, Campo Lameiro e Cerdedo beneficiaranse do primeiro obradoiro de emprego da Conca do Lérez
Por Redacción |
-
Policía Local, Protección Civil e Bombeiros farán vixiancia para detectar lumes
Por Redacción |
-
Conca do Lérez pon en marcha unha central de compras
Por Oskar Viéitez |