O veterinario pontevedrés David Quiñones gaña o premio nacional nun concurso de casos clínicos en dermatoloxía
Por Redacción
David Quiñones logrou o primeiro premio nacional do Concurso de Casos Clínicos en Dermatoloxía Virbac, un certame no que se avalía o mellor caso clínico presentado anualmente en todo o Estado e que teña relación coa patoloxía dermatolóxica.
Este veterinario pontevedrés é licenciado pola Universidade de Santiago de Compostela, diploma en Dermatoloxía e Citoloxía pola Universidade Complutense de Madrid e certificado europeo en dermatoloxía pola European School of Veterinary Postgraduate Studies.
Traballa como veterinario clínico desde o ano 2003 na Clínica Veterinaria Aniña (Vilaboa) e encárgase da área de dermatoloxía, citoloxía e oncoloxía.
Ademais, David Quiñones atópase realizando a fase final dun posgrao internacional en oncoloxía clínica de pequenos animais.