A Xunta inicia as expropiacións para executar a senda peonil entre Bagüín e Seixo
Por Redacción
A Consellería de Infraestruturas e Mobilidade publica este xoves no Diario Oficial de Galicia o Decreto polo que se declara en concreto a utilidade pública e se dispón a urxente ocupación dos bens e dereitos necesarios para executar unha senda peonil e ciclista na estrada autonómica PO-551, no treito entre Bagüín e Seixo, no concello de Marín.
Esta actuación conta cun orzamento de máis de 700.000 euros, no que se inclúe o pagamento aos titulares das 40 fincas necesarias para executar esta actuación.
A Consellería prevé o levantamento de actas previas no último trimestre deste ano e a licitación das obras no primeiro de 2020.
Trátase da construción dun itinerario de 940 metros na marxe dereita da vía autonómica PO-551, no tramo entre a intersección á altura da Cova da Moa e a beirarrúa de Bagüín.
Esta actuación inclúe a mellora do acceso á praia de Aguete, ampliando a estrada para facilitar as manobras e contribuír a optimizar a mobilidade en condicións seguras.
Relacionadas:
-
Trece empresas optan a construír a senda peonil entre Bagüín e Seixo
Por Redacción |
-
A Xunta convoca os afectados polas expropiacións para facer a senda peonil entre Bagüín e Seixo
Por Redacción |
-
Veciños de Seixo piden ao Concello que abra un centro de día público
Por Redacción |
-
O Concello de Marín construirá dous novos aseos no Mercado de Abastos
Por Redacción |
-
Aproban o proxecto para construír unha senda peonil na estrada PO-551 entre Bagüín e Seixo
Por Redacción |
-
Aberto o prazo de alegacións á nova senda peonil da PO-551 entre Bagüín e Seixo
Por Redacción |