Tráfico intercepta unha condutora circulando en patinete eléctrico en plena autoestrada
Por Redacción
Unha patrulla do destacamento de Tráfico da Garda Civil de Pontevedra interceptou na mañá deste domingo unha condutora que circulaba cun patinete eléctrico pola autoestrada AP-9 ao seu paso pola cidade do Lérez.
Segundo a información facilitada pola Garda Civil, a muller, veciña de Pontevedra de 36 anos, foi denunciada por unha infracción administrativa que conlevará a imposición dunha sanción económica.
A pontevedresa accedera á AP-9 pola incorporación de Lourido e, cando xa estaba na vía de alta capacidade, atravesou a mediana.
Os feitos ocorreron sobre as 9.45 horas deste domingo e a muller foi interceptada por dous motoristas de Tráfico inmediatamente despois de cruzar a ponte da ría, en sentido a Pontevedra.
Os dous motoristas do destacamento de Tráfico necesitaron o apoio doutra patrulla para retirar á muller e o seu patinete eléctrico da autoestrada.
Relacionadas:
-
Mosquera sobre os patinetes eléctricos: "A norma está clara, o que hai son infraccións"
Por Manu Otero |
-
Sofre un accidente cun patinete eléctrico e acaba multado por ir con el pola beirarrúa e borracho
Por Natalia Puga |
-
A pontevedresa detectada en patinete pola AP-9 xustifica que se "desorientou"
Por Natalia Puga |
-
Multan con 1.000 euros un pontevedrés que ía borracho sobre un patinete eléctrico
Por Redacción |
-
Pedaladas recomenda non usar patinete eléctrico nas rúas de Pontevedra ata que se actualice a ordenanza de mobilidade
Por Redacción |
-
Ferida a condutora dun patinete eléctrico ao chocar contra un turismo
Por Oskar Viéitez |