O BNG propón a construción dun novo parque de bombeiros que dea solución aos concellos do interior
Por Redacción
Este xoves tivo lugar no local comarcal do BNG unha reunión na que participaron o deputado do BNG, Luís Bará, e os portavoces municipais en Campo Lameiro (Dolores Rodríguez), Cerdedo-Cotobade (Ernesto Filgueira) e Moraña (Marcos Suárez), para analizar a situación das emerxencias nestes concellos, que, xunto cos de A Lama, Forcarei e Ponte Caldelas conforman unha "zona de sombra", onde os tempos de resposta son moi superiores aos vinte minutos recomendados pola normativa vixente.
Son, segundo o Bloque, concellos cunha "mala cobertura de emerxencias, nos que a poboación está desprotexida ante calquera situación de risco".
Os representantes do BNG acordaron instar á Xunta de Galicia para que "lidere" a solución a este grave problema, "xa que é a institución que, por lei, ten as competencias en materia de coordinación, planificación e elaboración do mapa de emerxencias de Galicia".
Unha solución, que ao entender do BNG pasa pola creación dun novo parque de bombeiros, que ten que ser o resultado dun estudo "serio e riguroso", e dun "diálogo efectivo" entre Xunta, Deputación e concellos afectados para abordar as súas características e financiamento.
Na reunión informouse por parte do deputado nacionalista, Luís Bará. que o 16 do presente mes levará o tema a unha comisión do Parlamento, para que o goberno galego se pronuncie sobre esta cuestión e dea unha resposta sobre o que pensa facer para buscar unha solución a este grave problema.
Relacionadas:
-
Un GES con base na Lama atenderá tamén a Ponte Caldelas, Cerdedo-Cotobade e Fornelos
Por Redacción |
-
O BNG pide un parque de bombeiros no interior da provincia para os concellos de sombra
Por Redacción |
-
O PP reclama á Deputación que poña fondos para comarcalizar o parque de bombeiros de Pontevedra
Por Oskar Viéitez |
-
Ponte Caldelas ofrece dúas parcelas na Reigosa para crear un parque de bombeiros
Por Redacción |
-
Os concellos do interior reclaman a mellora do servizo de emerxencias
Por Oskar Viéitez |